မိုးမလင်းတလင်းမှာ အအေးဒဏ်ကြောင့် အိပ်ရာက နိုးလာခဲ့တယ်..။ အခန်းထဲမှာ အဲယားကွန်း မဖွင့်ထားပေမယ့် ပန်ကာဖွင့်ထားတယ်..။ကျွန်တော်နေတဲ့ နေရာမှာက ရာသီဥတု မမှန်ဘူး..။ နေပူချင်လည်း ပူတယ် ၊ မိုးရွာချင်ရင်လည်း ချက်ခြင်းပဲ..။ မနေ့ ညက ရွာထားတဲ့ မိုးအရှိန်ကြောင့် အပြင်မှာလည်း အေးနေတယ်..။ အခန်းထဲမှာလည်း ပန်ကာဖွင့်ထားတော့ အအေးဓာတ်က ကြီးဆိုးနေတာပေါ့..။ အအေးဓာတ်က ကြီးဆိုး နေပေမယ့်လည်း အိမ်ရာကထပြီးတော့ ပန်ကာပိတ်ချင်တဲ့ စိတ်မရှိဘူး..။ သူငယ်ချင်းတယောက် စင်္ကကာပူကနေ ကျွန်တော်တို့ ဆီ လာလည်တယ် (၃) ရက်နေပြီး ပြန်တော့မယ် ဆိုတော့ သူငယ်ချင်တွေစုပြီး ဘီယာသောက်ကြတယ်..။ ရှေ့ဟောင်းနှောင်းဖြစ် တွေပြောကြတယ်..။ နူတ်ဆက်ပွဲမှာ သောက်လာတဲ့ ဘီယာတန်ခိုးကြောင့် ခေါင်းတခုလုံး အုံခဲနေတယ်..။ ဒါကြောင့် ပန်ကာထမပိတ်ပဲ စောင်ကိုသာ မေးစိထိရောက်အောင် ဆွဲခြုံလိုက်တယ်..။
အာရုံဦးဆိုတော့ ကျေးငှက်တွေကလည်း တစာစာနဲ့  အာရုံဦး တေးသီချင်းတွေ ဆိုနေကြလေရဲ့ ..။ အာရုံဦးမှာ ငှက်ကလေးတွေ တေးသီချင်းဆိုတာကို ကျွန်တော် မခံစားဖြစ်ခဲ့တာ ကြာပြီ..။ တချိန်ကတော့ အိပ်ရာကနိုးတာနဲ့  ဒါတိုက်မထသေးပဲ သက်ဆိုင်သူ ကောင်မလေးအကြောင်း မှိန်းလို့ တွေးရင်း သာယာစွာ တေးသီနေတဲ့ ငှက်ကလေးတွေရဲ့ အသံကို နားစွင့်ရင်းပေါ့...။ အခုချိန်မှာတော့ သူနဲ့  လမ်းခွဲခဲ့ရတာလည်း ကြာပြီ ..။ ပြီးတော့ ကိုယ့်ဘ၀ကိုယ် ရပ်တည်နေချိန်လည်း ဖြစ်တယ်..။ အတိတ်တွေလည်း နှောင်းခဲ့ပြီဆိုတဲ့ အသိနဲ့  မတွေးတော ဖြစ်ခဲ့သလို ကျေးငှက်တွေရဲ့ သံစဉ်ကိုလည်း အာရုံ မစိုက်ဖြစ်တော့ပါဘူး..။ ဒါပေမယ့် ဒီနေ့ တော့ ကျေးငှက်တွေကတေးသီ ၊ ဘေးအိမ်က ခွေးကလည်း ဘာကိုတွေ့ လို့  ဟောင်နေတယ်တော့ မသိဘူး...ပြန်အိပ်လို့ ကို မရတော့ဘူး..။ ဘီယာအရှိန်နဲ့  ခေါင်းကလည်း ကိုက်နေတော့ အိပ်ရာကလည်း ထလို့  မနိုင်ဘူး..။ ဒါနဲ့ မှိန်းနေရင်းကနေ အခု ကျွန်တော်ဆီ လာလည်ပြီး ဘေးခုတင်မှာ အိပ်နေတဲ့ သူငယ်ချင်းဟာ ကျွန်တော်နဲ့  တယောက်နဲ့ တယောက် ယခင်က ရန်ဖြစ်ခဲ့ဘူးတာလေးကို ပုရိပ်အဖြစ် မြင်ယောင်ရင်း တွေးနေမိနေတယ်..။
တချိန်တုန်းက သူနဲ့ ကျွန်တော် သူငယ်ချင်း မဖြစ်ခင် ဒီကောင်က ကျွန်တော် မတော်လိုက်ရတဲ့ ရွှေယောက်ဖလောင်းကြီးရဲ့ သူငယ်ချင်း ဆိုပါတော့..။ တစ်ရက် ကျွန်တော်နဲ့ ကျွန်တော် ကောင်မလေး အတန်းမတက်ပဲ ရုပ်ရှင်သွားကြည့်တယ်..။ ရုပ်ရှင်ရုံမှာလည်း ဇတ်ကားကောင်း ဆိုတော့ လူတွေတန်းစီနေတာ အပြည့်ပဲ..။ မှောင်ခို လတ်မှတ်ကလည်း ၀ယ်လို့ မရတော့ဘူး..။ ဒီတော့ သူများနည်းတူ တန်းစီ နေရတာပေါ့..။ အဲဒီအချိန်မှာ ဘယ်ကနေဘယ်လို ရောက်နေမှန်း မသိတဲ့ ယောက်ဖလောင်း အသံက နောက်ကနေ ထွက်လာတယ်ဗျာ..။ " ဟဲ့...မိသိမ့် နင်က အတန်မတက်ပဲ ဒီမှာလာပြီး အကြည်ဆိုက်နေတယ်ပေါ့ ဟုတ်လား..သွားအခုပြန် ငါလုပ်လိုက်ရရင်တော့ နာတော့မှာပဲ"..။ အဲလို ပြောတဲ့ အသံကြားတော့ ကျွန်တော်တို့  နှစ်ယောက်လုံး နောက်ကို လှည့်ကြည့်လိုက်တယ်..။ ကျွန်တော်စိတ် အထင်ကတော့ ကောင်မလေးဟာ သူ့ အကို စကားကို ကြောက်ကြောက်နဲ့  နားထောင်ပြီး ကုတ်ကုတ်လေး ပြန်သွားမယ် ထင်တာ..။ အထင်နဲ့  အမြင် တလွဲစီဖြစ်သွားတယ်..။
"ဘာဖြစ်လို့ ပြန်ရမှာလဲ...ကိုယ့်ဟာကိုယ့် ရုပ်ရှင်လာကြည့်တာ ကိုကြီးနဲ့ ဘာဆိုင်တုန်း.."
သူ့ စကားကြောင့် ကျွန်တော်တောင် ပြူးသွားတယ်..။ တော်တော်လည်း ချစ်ကြောက်ရိုသေပုံရတယ်လို့ တောင်ထင်မိတယ်....။
'အောင်မာ...နင်ကငါ့ကို အခုပြန်ပြောလာပြီပေါ့လေ...လုပ်လိုက်ရရင်တော့ သေတော့မှာပဲ...သွားအခုပြန် အိမ်ရောက်မှတွေ့ မယ်..အခုတော့နေအုံ...လူကြားထဲမှာ မလုပ်ချင်ဘူး...'
ကောင်မလေးကလည်းမခံဘူး..။
'ကြိုက်တဲ့ အချိန် တွေ့ လို့ရတယ် ..လုံးဝပဲ...I don't care..." ။ ကျွန်တော်လည်း ကြည့်နေရင်...ဟာ..ပွဲတော့ကြမ်းပြီပေါ့ ။ ကောင်မလေးကလည်း အဲလိုတွေပြန်ပြောရော ဆရာသမားက ကျွန်တော်နဲ့  လူတွေရှေ့မှာ ဆိုတော့ ဒေါသက ခြေဖျားကနေ ခေါင်းထိရောက်သွားတယ် ထင်တယ်...။ " နင်သေချင်ပြီ ဟုတ်လား..မိသိမ့် " ဆိုပြီး စောင့်တွန်းလိုက်တယ်..။ ကျွန်တော်လည်း ကြည့်မနေတော့ပဲ ကြားကနေ၀င်လိုက်တယ်..။ "အကို..အေးအေးဆေးဆေး ပေါ့ဗျာ..မောင်နှမတွေပဲ နောက်မှ ပြေလည်အောင် ရှင်းရင်လည်း...." စကားတောင်မဆုံးသေးဘူး.." ငါ့ညီမ..ငါပြောနေတာ မင်းနဲ့ ဘာဆိုင်တုန်း.." ဆိုတဲ့ အသံနဲ့ အတူ လက်သီးပါ ၀င်လာတယ်..။ ကျွန်တော်လည်း နဂိုတည်းက သတိရှိနေသူ ပီပီ ကာကွယ်တဲ့အနေနဲ့  ဘယ်လက်က ကာပြီး ညာလက်နဲ့  သူ့ ကိုတွန်းလိုက်တယ်..။ အဲဒီမှာ အခု ကျွန်တော်ဘေးမှာ အိပ်နေတဲ့ကောင်က ကျွန်တော်ကို ၀င်ထိုးပြန်ရောဗျာ..။ ၀င်လာတဲ့ လက်သီးကို မကာပဲ တိမ်းရှောင်လိုက်ပြီး တွန်းလိုက်တာ လဲကျသွားရော..။ ကျန်တယောက်ကတော့ သူနဲ့  မဆိုင်သလို ရပ်ကြည့်နေတုန်း...။ ဒါနဲ့ ကျွန်တော်လည်း ရုပ်ရှင်ရိုက်လိုက်တယ်..။ ဘေးကပ်လွယ်အိတ်ကို လက်နိူက်လိုက်ပြီး ...
"မင်တို့  တယောက်မှ ကပ်မလာနဲ့  ကပ်လာလို့ ကတော့ အသေပဲ.."ဆိုပြီး ကျိန်းလိုက်တယ်..။ ရုပ်ရှင်ရုံ လတ်မှတ် တန်းစီနေတဲ့ သူတွေကလည်း ၀င်မဆွဲတဲ့ အပြင် ၀ိုင်းတောင်ကြည့်နေသေးတယ်ဗျာ..။ လွယ်အိတ်ထဲ လက်နိူက်ထားတော့ သုံးကောင်လုံး တန့် သွားပြီး ကျွတ်သွားပုံရတယ်..။ အမှန်တော့ အထဲမှာ စာအုပ်နဲ့  ဘောလ်ပင်ကလွဲလို့  ကျန်တာ ဘာမှ မရှိဘူး..။ သူတို့ ကလည်း ညံ့ပဗျာ...ကျောင်းသားပါဆို ဒမြမှမဟုတ်တာ ဆိုပြီး ဇွတ်ဝင်လာရင် ကျွန်တော် နာသွားလောက်တယ်...။ သုံးယောက် တယောက်ဆိုတော့ နိုင်ချင်မှလည်း နိုင်မှာ ဟူတ်ဝူးလား...ဟီးဟီး..။ ဒါနဲ့  ယောက်ဖလောင်းကြီးက ပြောသွားတယ်..။
"အေးမင်းနောက်ငါနဲ့ တွေ့ မယ်...နင်လည်း အိမ်ပြန်ရောက်လို့  ကတော့ အသေပဲ" ဆိုပြီး ကျိန်သွားလေရဲ့..။ ကျွန်တော်လည်း ပြန်ရောက်တာနဲ့  လမ်းထဲက အကိုတွေနဲ့  သူငယ်ချင်းတွေကို ပြောပြတာပေါ့..။ ပြောပြတဲ့ အထဲမှာမှ အကိုကြီး တယောက်က ပြောတယ်..။ ဒီကောင်တွေနဲ့  ဖြစ်တာလား....မပူနဲ့  ငါရှင်းပေးမယ်ကွိုင်မရှိဘူး...ဒီကောင်က ငါ့သူငယ်ချင်း အရင်းကြီး ငါပြောလို့  ရတယ်ဆိုတော့မှ စိတ်အေး နိုင်တယ်..။ နောက်နေ့  အဲဒီ အကိုကြီး အကူအညီနဲ့  လဖ္ဘက်ရည် ဆိုင်မှာ သူတို့ သုံးယောက်နဲ့သွားတွေ့ တယ်..။ မတော်လိုက်ရတဲ့ ရွှေယောက်ဖဖလာင်းကြီးကတော့ သိပ်မကြည်ဘူး..။ ကျန်တယောက်နဲ့ ဘေးက အိပ်နေတဲ့ ကောင်အပါဝင်ကတော့ ကျေနပ်ပြီး ငြိမ်းချမ်းရေးရသွားတယ်...။ ကောင်မလေးနဲ့  သူ့အကိုဟာလည်း..သူတို့အမေ ဖြေရှင်းပေး လိုက်တာကြောင့် အဆင်ပြေသွားတယ်..။
အခုတော့လည်း တယောက်ပခုံး တယောက်ဖက် ထမင်းတပန်းကန်ထဲ နှစ်ယောက်စား..ချစ်နေလိုက်ကြတာ.....သြော်..လူ...လူဆိုတဲ့လူတွေ မတည်ငြိမ်နိုင်သေးတဲ့ စိတ်အစဉ်နဲ့  နေထိုင်မူ့ အလိုက် အကျင့်စရိုက် အလိုက်နဲ့  တံငါနားနီး တံငါ ၊ မုဆိုးနားနီး ဆိုတဲ့အတိုင်း ကျင်လည်နေရတဲ့ လူသားတို့ ရဲ့ ဘ၀ ၊ ခဏချစ်လိုက် ခဏမုန်းလိုက်နဲ့  မသွားချင်းလည်းသွား ၊ သွားချင်လည်းသွားရမယ့် မပြီးဆုံးသေးတဲ့ ခရီးတခုကို တနေ့ လျှင် စိတ်ပေါင်း ရာ ၊ ထောင် ၊ သောင်း ၊ သိန်း ၊ သန်း ပေါင်းများစွာနဲ့ ကျင်လည်နေရပါလား...။ အတွေးကမဆုံးသေး....ဖုန်းဆီမှ နိူးစက် အလာ့တ်က ထမည်လာသည် ။ 8 : 45 မိနစ် ဆိုရင် စကာင်္ပူပြန်မယ့် သူငယ်ချင်းကို လိုက်ပို့ ရတော့မယ်..။ ဒါနဲ့  ခေါင်းကိုက်လည်း မတတ်နိုင်ဘူး ဆိုပြီး အားတင်းထကာ ဖုန်းထဲက အဆိုတော် လေးဖြူရဲ့ ဘင်္ဂလားပင်လယ်အော် စီးရီးထဲက စာမျက်နှာ (၁၅) ဆိုတဲ့ သီချင်းလေးကိုဖွင့်ပြီး သူငယ်ချင်းကိုလည်း အိပ်ရာကနိုး ...ကျွန်တော်လည်း ရေချိုးခန်းထဲ ၀င်ခဲ့ပါတော့တယ်...။


( အားလုံးပျော်ရွှင်စေဖို့ဆန္ဒပြုလျက်..... ဝေမင်း......)