မင်္ဂလာပါခင်ဗျာ..လာရောက်လည်ပတ်သူများကို ဆည်းဆာသံစဉ်မှ ၀မ်းမြောက်လို့  ၀မ်းသာစွာ ကြိုဆိုပါတယ်...။

ခွေးမြို့တော်

Filed under: by: ဆည်းဆာသံစဉ်

ဒီဝတ္ထုတိုလေးဟာ..ကျွန်တော်ကိုယ်
တိုင် ရေးတာတော့မဟုတ်ပါဘူး။ ကျနော်ရဲ့ အကိုလို သူငယ်ချင်းလို ခင်မင်ရတဲ့ ကိုနေလင်းထွန်းရေးပြီးတော့ ကျနော့်ရဲ့ဘလော့ခ်လေးမှာ တင်ခိုင်းထားတာပါ။ ကျနော်လည်း အခုတလော အလုပ်တွေကလည်းရှုပ်၊အပျင်းလေးကထူနေတာနဲ့  အခုမှပဲရေးဖြစ်တော့တယ်ဗျာ။ ဇတ်လမ်းရဲ့ ခေါင်းစဉ်ကတော့ လန်းတယ်နော်.."ခွေးမြို့့တော်"တဲ့။ ခေါင်းစဉ်ကလန်းသလို ဇတ်လမ်းလေးကလည်း လန်းပါတယ်။

"ခွေးမြို့ တော်"
ကြက်ဖြစ်ရင်ကွယ်..ငှက်ဖြစ်ရင်ကွယ်...တစ်ကိုင်းတည်း နားချင်တယ်" ဟူသော သီချင်းစာသားလေးကိုသာ ကြားဖူးသည်။
သူဒီမြို့ ကိုရောက်မှ "ခွေးဖြစ်ချင်တယ်....ခွေးဖြစ်ရင်ကွယ်ဟု...."
ပြောင်းဆိုရမလို ခွေးမြတ်နိုးခြင်း ယဉ်ကျေးမှု ထွန်းကားလှသောမြို့ ဖြစ်သည်။
အချိန်ညနေစောင်းပြီဆိုလျှင် ခွေးကြောင်းထွက်လာကြသော စကပ်တိုတို ၊ ဘောင်းဘီတိုတို ဖြူဖွေးသွယ်လျှ လှပခြင်းလေးတွေသည်..ဆိုင်မဖွင့်မီ သူတို့ ၏ ညနေစာတွင် မရှိမဖြစ်လိုအပ်လာသော အဟာရလေးများဖြစ်လာသည်။ ဖြတ်မောင်းသွားသော ကားလေးတစ်စင်း၏ ခေါင်းခန်းထဲတွင် လူလူချင်းအတူတူ ငေးနေရုံသက်သက် လှရက်နိုင်လွန်းသူတွေ၏ ဘေးတွင် မတန်မရာ ပါသွားသူကခွေး...သူတို့ လေးတွေ တယုတယအပြုအစုလေးတွေကို မတောင်းပဲပြည့်တဲ့ဆုနဲ့  အပိုင်စားရထားသူက ခွေး...သူ့စိတ်တွင် တခါတလေတွေးမိသည်။
သူတို့ လေးတွေ၏ Boy friend တွေပင် ဒီခွေးတွေလောက် ဂရုစိုက်ခြင်း ခံကြရပါလေစဟု..။
သူ၏အတွေးတွင် တစ်ခါတစ်ခါ လူစင်စစ်ကနေ ခွေးပင်ဖြစ်ချင်နေမိတော့သည်။ အကြောင်းမှာ သူတို့ လေးတွေ၏ စိတ်လိုလက်ရ အနမ်းတွေကိုလည်း ထိုခွေးတွေကသာ ပိုင်စားရထားသောကြောင့်ဖြစ်သည်။


သူအလုပ်ရ၍ ရောက်ရှိလာသော မြို့ လေးသည် လူကုံထံမြို့ လေးဖြစ်လည်။
ထိုမြို့ လေးမှ လူကုံထံ သား၊သမီးတို့ ၏ ဂုဏ်တု၊ဂုဏ်ပြိုင်ခြင်းထဲတွင် ပကာသနတစ်ခုအဖြစ် နေရာယူထားသောအရာမှာ ခွေးများသာဖြစ်ကြသည်။
သူ၏ စိတ်တွင် ထိုခွေးများကို ကျိတ်၍မနာလို ဖြစ်မိသော်လည်း ထိုခွေးများ အကြောင်းကို သူကိုယ်တိုင်ပင် တစေ့တစောင်း စိတ်ဝင်စားမိတော့သည်။
ထိုကြောင့်ပင် အလုပ်နားရက်ရသောတစ်နေ့ မှာတော့ ခွေးနှင့် ခွေးအစားအစား၊ ခွေးအဆောင်အယောင်ရောင်းသော ခွေး Mini Market လေးသို့  သူကိုယ်တိုင် မယောင်မလည်နှင့် လျှေက်ကြည့်မိတော့သည်။
ဤတွင် "အားပါးပါး....ကမြင်းမသားခွေးများ"ဟုပင် သူ့စိတ်တွင် ကျိတ်၍ အဘိစာပွါးမိတော့သည်။
သူ၏ တစ်လစာ လုပ်အားခထက် သာလွန်နေသော ခွေးတစ်ပါတ်စာ အစာဗူးမျာ ၊ ခွေးဆပ်ပြာ ၊ ခွေးရေမွှေး ၊ ခွေးအမွှေးများ ဖြီးသင်ရန်ဘီး ယုတ်စွအဆုံး တစ်နှစ်မှာ နှစ်ခါသုံးခါလောက်သာ သူ shopping ထွက်ဖြစ်တဲ့အခါတိုင်း သူ့အိမ်ကို အဆင်မပြေမှုမျိုးစုံ အကြောင်းပြ သူစိတ် ဒုန်းဒုန်းချပြီး ၀ယ်ခဲ့ဖူးသော အ၀တ်အစားတွေထက် အဆများစွာ တန်ဖိုးကြီးနေသော ခွေးဝတ်စုံများကြေင့်ဖြစ်သည်။
ဝယ်သူရှိ၍သာ ရောင်းသူရှိနေခြင်းမှာလည်း သိပ်ကိုသေချာသော နိယာမဖြစ်၍ ဘယ်လို လူစားတွေက ၀ယ်ကြသလဲဟူသော သိလိုစိတ်တို့ ကိုသာ ကြိတ်၍ မျိုသိပ်ခဲ့ရသည်။
"ဘုရားရေ"
ခွေး Mini Market ထဲ ဆေးခန်းတွေ့ ၍ ကြည့်မိကာမှ သူ့မှာ ဘုရားပင်တရတော့သည်။
ခွေးနှလုံးရောဂါ အထူးကု၊ခွေးမီးယပ်နှင့် သားဖွားအထူးကု၊ခွေးသွားရောဂါအထူးကု.....စသည်ဖြင့် ခွေးအထူးကု လူဆရာဝန်ပေါင်းများစွာ၏ ဆေးခန်းအစုအဝေးကို တွေ့ မိသောကြောင့်ဖြစ်သည်။
ခွေးတကောင်ချင်းစီ၏ တန်ဖိုးကိုကြည့်မိသောအခါတွင် သူ့ကိုယ်သူ လူတယောက်ထံသွားရောင်းလျှင်ပင် အနိမ့်ဆုံးခွေးတကောင်၏ တန်ဖိုးလောက်ပင် ရနိုင်ပါ့မလားဟု သံသယ ပွါးချင်စရာဖြစ်ရတော့သည်။ သူဒီခွေးများကို ဆက်၍ စိတ်မ၀င်စားချင်တော့ပေ။
ထို့ကြောင့် "ဒင်းတို့ တွေ တန်ဖိုးကြီးသင့်ပါတယ်" ဟုသာ ကောက်ချက်ချ၍ ခွေး Mini Market ထဲမှ ပြန်ထွက်လာခဲ့တော့သည်။
ဤခွေးမြို့ တော်တွင် သူ လာ၍ အလုပ်ရခြင်းကပင် လူစင်စစ်ဖြစ်ရက်နဲ့  ခွေးတကောင်လောက်မျှပင် တန်ဖိုးမရှိတော့ပြီလားဟူသော အတွေးလေးဖြင့် ခွေးသခင်မလေးတွေကို ငေးရင်း သူ့စိတ်တွင် ခွေးတွေကိုသာ မုန်းတီးအားကျနေမိတော့သည်။


သူ အလုပ်ရသောဆိုင်လေးတွင် နိုင်ငံခြားဖြစ် အရက်၊၀ိုင်၊ဘီယာနှင့် ဥရောပ အစားအစာမျိုးစုံရောင်းပါသည်။ ထိုမြို့ လေး၏ ယဉ်ကျေးမှု အခေါ်ဝေါ်ဖြင့် ပြောရလျှင် Pub ဟုခေါ်သော စားသောက်ဆိုင် အမျိုးအစားလေးဖြစ်သည်။
သူ ဒီနေ့ အလုပ် လုပ်တာ တက်ကြွနေသည်။
အကြောင်းမှာ မွေးနေ့ ပါတီ အတွက် သီးသန့် VIP အခန်းလေးထဲတွင် Booking လုပ်ထားသော ၀ိုင်း တစ်ဝိုင်းအား စောင့်ကြည့်ရန် တာဝန်ကျ၍ဖြစ်ပါသည်။
ထိုသို့ သော ၀ိုင်းများအား စောင့်ကြည့်ခွင့်ရပါက service ကောင်းလျှင်ကောင်းသလို သူတို့တွင် အပိုမှန့် ဖိုးလေးများ မျိုးမျိုးမြတ်မြတ် ရတတ်သောကြောင့်ဖြစ်သည်။
ည(၇) နာရီ Bokking လုပ်ထားသော ၀ိုင်းလေးသည် (၇)နာရီခွဲကျော်မှ လူစုံတက်စုံ ရောက်ရှိလာတော့သည်။
သို့သော် အချိန်နောက်ကျ၍ ကျွဲမြီးတိုနေသော သူ၏စိတ်တို့  ပြန်လည် ရှည့်ဆန့် လာရတော့သည်။
အကြောင်းမှာ (၁၀)ယောက်ဝိုင်းတစ်ဝိုင်းတွင် သုံးယောက်သာ ယောင်္ကျားလေးပါသော်လည်း ကျန်(၇)ယောက်မှာ လှရက်နိုင်လွန်းသော ခွေးသခင်မလေးများဖြစ်ကြသည်။
လူတို့ ၏ မွေးနေ့ ပါတီတွင် ဒင်းတို့ ၏ ခွေးများမပါလျှင် မပြီးရော့သလားဟုပင် သူတွေးနေမိတော့သည်။
ထို(၇)ယောက်ထဲမှ ထူးထူးခြားခြားလေး တစ်ယောက်သည် မွေးနေ့ ရှင်ဖြစ်ဟန်တူသည်။
သူမလေးသည် သုံးလွှာပါသော မီနီစကပ်လေးနှင့် ၀တ်ထားသော အင်္ကျီမှာလည်း စွပ်ကျယ်ဟုပင်ပြောရမလား.. မြန်မာပြည်မှ အရွယ်ရောက်စ မိန်းခလေးများ အောက်ခံဝတ်တတ်သော ရှင်မီးအင်္ကျီဟုပင်ပြောရမလား မသိသော အင်္ကျီရင်လျားလေးနှင့်ဖြစ်သည်။
ထူးခြားသောဝိသေသလေး တစ်ခုမှာ ၀င်းဝါအိညက်သော သူမ၏လက်ပြင်ထက်မှ အနီ၊အနက် နှစ်ရောင်စပ် လိပ်ပြာပုံ တက်တူးလေးဖြစ်သည်။ ထိုလိပ်ပြာလေးသည် သူမ၏ အင်္ကျီ ကြီုးလေးမှာ နားနေသယောင် ဆွဲဆောင်နိုင်လွန်းလှသည်။
"ဂွိ"
ဘာကို သွားရည်ကျမှန်းမသိပဲ အလုံးလိုက်မျိုချ မိလိုက်သော သူ၏တံတွေးမျိုသံဖြစ်သည်။
သို့ သော် သူကိုယ်တိုင်မှလွဲ၍ တစ်ခြားဘယ်သူမှ မကြားနိုင် မသိနိုင်သော အသံဖြစ်သည်။
သူမလေးတို့ သည် ဆိုင်ရှင် Ms-ရိတ်ကြီး ၏ today special အမည်တပ်ထားသော တစ်ပါတ်အတွင်း အရောင်းထိုင်း စားသောက်ဖွယ်ရာများကို Booking လုပ် ဈေးကြီးပေး၍ သောက်စားကြရင်း ရယ်သံလွင့်လွင့်များ တွတ်တွတ်ထိုးသံလေးများ ပျော်ရွှင်စည်းကားနေတော့သည်။


သူမတို့  စားသောက်ပြီး၍ Brithday cake လှီးမည့် အချိန်ဖြစ်သည်။
သူအလုပ်သော ဆိုင်လေးတွင် မွေးနေ့ ပါတီများအတွက် ထူးခြားချက်လေး တစ်ခုရှိသည်။
ထိုထူးခြားချက်လေးမှာ မွေးနေ့ ရှင်များ ယူလာသော မွေးနေ့ ကိတ်အား သူတို့ စားသောက်နေချိန်တွင် ဆိုင်မှယူ၍ သိမ်းထားပေးပြီး မွေးနေ့ ကိတ်လှီးတော့မည့်ဆိုမှ ပြန်ထုတ်ပေးခြင်းဖြစ်သည်။
ထိုသို့ ထုတ်ပေးရာတွင်လည်း လက်ဖြင့်ယူ၍ သွားပေးခြင်းမျိုးမဟုတ်ပါ။
ဆိုင်မှ ဖယောင်းတိုင်ထွန်းပေးပြီးသား မွေးနေ့ ကိတ်လေးအား အထူးပြုလုပ်ချက်ဖြင့် အလှဆင်ထားသော တွန်းလှည်းလေးပေါ်တင်၍ မတိမ်းမစောင်း အထိန်းအကြောင်း ပိုင်နိုင်စွာဖြင့် ဆိုင်ဝန်ထမ်းမှ တွန်းထွက်လာချိန်တွင် ဆိုင်ရှိ လင်းအားကောင်း မီးများအားလုံးကို မှိတ်ပြစ်လိုက်သည်။
ပြီးမှ လင်းတစ်ချီ မှိတ်တစ်လှည့် ရောင်စုံမီးများနဲ့ အတူ Happy brithday နောက်ခံတီးလုံးလေး ဖွင့်ပေးခြင်းဖြစ်သည်။ သူအင်မတန်မှ မြင်ပြင်းကတ်လှသော ဆိုင်ရှင် Ms-ရိတ်ကြီး၏ တစ်ခုတည်းသော လေးစားစရာ အိုင်ဒီယာလေးဖြစ်သည်။ ဒီလိုနှင့်သူ Brithday cake လှည်းလေး တွန်းထွက်လာခဲ့ပြီ။ သူသိသိသာသာ တစ်မျိုး မသိမသာတစ်ဖုံ အမျိုးစုံရှုထောင့်စုံမှ ငေးနေမိသောထူးထူးခြားခြားလေးတို့  စားပွဲပေါ်သို့  သူ Brithday cake လေးအား အသာအယာ သေသပ်စွာတင်ပေးလိုက်သည်။
ဤတွင် ကျန်က(၉)ယောက်သောသူတို့ဆီမှ Happy brithday to you ဟူသော ဆုတောင်းသီချင်းလေး ချုိုလွင်စွာ လွင့်ပျံ့လာတော့သည်။
သို့သော် ထိုမွေးနေ့ ကိတ်လေးပေါ်မှ Doni ဟူသော နာမည်လေးက သူ့ အားအတွေးများစွာပေးနေသည်။
ထို Doni ဆိုသော နာမည်လေးမှာ သူမွေးနေ့ ရှင်ဟု ထင်ထားသော ထူးထူးခြားခြားလေး၏ နာမည်ပဲလား။
သို့ သော် ထို့ သို့ သော နာမည်မျိုးသည် မိန်းခလေးတယောက် နာမည်မဖြစ်နိုင်ဟုလည်း သူခံစားသိနေသလိုလိုရှိသည်။ ဒီလိုဆိုရင်ဖြင့် အဝေးတနေရာသို့  ရောက်နေသော သူလေးချစ်သူ၏ မွေးနေ့ အား သူလေးမှ အားအားယားယား လုပ်ပေးခြင်းပေပဲလား....။
သူ၏အတွေးတို့  အဆုံးမသတ်ခင်လေးမှာပင် အဆုံးသတ်သွားသော မွေးနေ့ ဆုတောင်းသီချင်းလေးနဲ့ အတူ ထူးဆန်းလွန်းသော မြင်ကွင်းလေးတစ်ခုကြောင့် သူ့ စိတ်တွင် "သေပြီ...ဆရာ" ဟု အခါသန်းတစ်ရာလောက်ပင် ထိုင်အော်ပြစ်ချင်သွားတော့သည်။
မြန်မာပြည်ရှိ မော်ဒယ်သရုပ်ဆောင်များ အားလုံး လဲသေရလောက်အောင် လှရက်နိုင်လွန်းသော ထူးထူးခြားခြားလေးသည် အလွန်ပျော်မြူးတက်ကြွသော အမှူအရာလေးနှင့် Happy Brithday Doni ဟုဆိုကာ သူမ၏ခွေးလေးအား ပွေ့ ကာဖက်ကာနှင့် Mouth to mouth brithday kiss ပေးလိုက်သောကြောင့်ဖြစ်သည်။
လျှာတစ်လစ်ထွက် နောက်ထပ် အတွန့် တက်ချင်နေဟန်ရှိသော ခွေးမသား ခွေးအားကြည့်ရင်း သူ့ စိတ်တွင် ခွေးဖိုး လျှော်ကြေးပေးနိုင်ပါက မသေမချင်း လည်ပင်းညှစ်သတ်ချင်နေမိတော့သည်။ ကျန်(၆)ယောက်သော ခွေးသခင်မလေးများမှာလဲ သူမတို့ ၏ ခွေးလေးများကို ပွေ့ ချီကာ ခွေးမသားခွေး Doni အားနမ်းစေကြပြန်သည်။ သို့ သော် မွေးနေ့ ရှင်ဟု ထင်ထားသော ထူးထူးခြားခြားလေးလိုတော့ သူမတို့ ကိုယ်တိုင်ကိုယ်ကျ နမ်းတာမတွေ့ ရပေ။


"အင်း" ဘာပဲဖြစ်ဖြစ် အင်္ဂလိပ်စကား နားလည်သော ဒီခွေးတွေ...ခွေးဝတ်စုံ အမှန်အကန်အကောင်းစားတွေ ၀တ်နိုင်တဲ့ ဒီခွေးတွေ ..မြန်မာပြည်က ခွေးတွေလို မျက်နှာစိမ်းခွေးမြင်တိုင်း မာန်ဖီရန်မလုပ်ကြဘူး။
မြန်မာပြည်ကခွေးတွေလို ခွေးမလှလှလေးမြင်တိုင်လည်း ပေါက်လွှတ်ပဲစား မိတ်လိုက်လိုစိတ် မရှိကြဘူးဟုသာ ခွေးများကို စိတ်ထဲမှ ကောင်ချီး ထောပနာပြုရင်း သူ၏တစ်ညတာ ဘ၀စေရာတာဝန်တွေ ကျေပွန်စွာ ထမ်းဆောင်ပြီးဆုံးခဲ့ရသည်..။

( အားလုံးပျော်ရွှင်စေဖို့ဆန္ဒပြုလျှက်..... ဝေမင်း......)

4 comments:

On June 6, 2009 at 2:18 PM , မချစ်ရ said...

ခွေးအကြောင်းဖတ်သွားပြီးချစ်စရာခွေးလေးတွေကို
စဉ်းစားကြည်နူးမိပါတယ်

 
On June 13, 2009 at 1:04 PM , Anonymous said...

ခွေးကတော့ ကျနော်လဲ ချစ်တတ်ပါတယ်။ ဒါပေမဲ့ တော်ရုံပါပဲ အိုဗာတော့ မဖြစ်ဘူး။

 
On June 16, 2009 at 9:20 PM , may16 said...

အခွင့်ထူးခံခွေးလေးတွေပေါ့နော် :P

 
On June 25, 2009 at 3:44 PM , mgnge said...

:)

စိတ်ဝင်တစားပဲဖတ်လာတာ... Happy birthday Doni! ဆိုမှ ပဲ... သဘောပေါက်လိုက်တော့တယ်...။
နာသကွာ